السلام عليكم
هبة ربي وهديته وانت منـــه
صرت شريان گلبي وانت منه
خل احنه نتأمل وانتمنــــــــه
نعيش احنه العمر كله سويه
##########
أسمك أغنية بشفتي ورد بي
وخدك مشتل وخضّر ورد بي
أروح بدرب مدرستك ورد بي
أشوفك ردت اني وهاي هيه
############
صرنه نجوم لكـن - مالمعنـه
والف يا وسفه بختك - مالَ معنه
زعلـك صـار ماصـخ- ماله معنه
اراضيـك وترد تزعــل عليـــــه
#############
اغار عليك من كلبي والعيون
لذلك اني حاير وين اشيلك
وحقي ما اجيلك اني معذور
اغار عليك مني وما اجيلك
############
انت حبي واني حبك .
انت روحي وبيش اوصفك ..
وسط كلبي حفرت اسمك
تبقى انت حبيبي واظل للمووت احبك
###########
هم تدري بيه شصار من رحت عني
اتوجة على الحيطان مشلوله جني
تدري بيه شصار من رحت عني
طفلة بعمر سنتين تبجي اعله وني
############
انة الما يوم خلة وياك خليت
شجاك وبالظهر سجين خليت
شعندي وشبعد ياترف خليت
صفة حتى البدي هم موش الية
##############
من هجرك بقى الدلال بس تك*
لتلعب على الحبلين بس تك*
امس بالحلم مدري منين بستك*
لان كلك حلو وتاهت عليه
##############
طبعك مو شجي وكتلك شجاني
اشجنيت وياك بس كلي شجاني
أمس جنت انحضن وانشم شجاني
قنفذ والحظن حصره علية
*********************
حبك بالقلب بسمار مندك
واحس كلبي يسولف بيك من دك
كمت اركض عالنقال من دك
لان ادري العزيز اتصل بيه
**********************
سكاني الدهرمن فركاك بس مر;-(وعسل ماشفت من دنياي بس مر;-( رمش عيني افرشه ابساط بس مر;-(ترد الروح من تسئل عليه:-o
***********************
معذور لو تعتذر بس غرك اعنادك اشحصلت من الهجر واشفادك ابعادك بعينك شفت غلطتك ومحد مسح دمعتك جربت غيري وشفت ، تاليها مافادك
***********************
احبك حيل وكلبي بحبك تولع@ اقسى شما قسيت وياي لا املك ولااجزع@ لعد روحي اشذنبهه وياك بنار هواك تتوجع@ وكلبي الفاضحني عليك اكله ارجع مايرجع@ وعيني من البعد متنام ظلت الك بس تدمع
************************
مدري شلون خايب ربك مسويك
حتى المايحس من تمر يتحسس
مدري أنته الهوى تتنفسه وترتاح
مدري الهوى منك هوة يتنفس
***********************
بطلت الفرح ظليت أبيع هموم
وأسعار الهموم مسجله بخدي
الرايد حزن خل يجي ياخذ دين
والرايد فرح يعذرني ماعندي
************************
انته ساكت وانه ساكت يمته نتفاهم لعد ..؟
وخلص صبري يا حبيبي وانتضر منك وعد ّ!!
انته ساكت وانه ساكت حاجيني يا طير السعد؟
شنو قصدك بالسكوت تريدني ما دك بعد ..؟؟
خذت كلبي ومات كلبي وابقة احبك لو يكطعون الجسد
الأحد أغسطس 24, 2008 1:48 pm
