انا وياك واحد ما انصير اثنين
انه وياك واحد ما نصير اثنين
ياكلبي وحياتي ياحبيبي الزين
قمه أخلاق انته وما تحب الشين
لاتاخذ حجي الحقاد والواشين
يردون بحجيهم نفترق بعدين
انه وياك واحد ما نصير اثنين
انه وياك واحد والكلب لهفان
يا رحمه وهديه ونعمه الرحمان
يمكنك ملاك وصوراك إنسان
جنني جمالك كلي جبته امنين
انه وياك واحد ما نصير اثنين
من اسمع كلامك ياحبيبي ارتاح
لو مره انته اشوفك كل مرض ينزاح
خليت الكلب من شوكه ون وصاح
خليت الكلب والروح محتارين
انه وياك واحد ما نصير اثنين
غلطان اليكلك ما اذكرك دوم
افكر بيك صاير كل وكت كل يوم
صادقنه السهر لجلك نسيت النوم
دوخت العقل والعقل مدري وين
انه وياك واحد ما نصير اثنين
نارك والهوه يمعود انته الماي
بيكم نحترك صدكني راضي بهاي
نشتمك عطر نتنفسك يهواي
من دونك حبيبي نبقى عطشانين
انه وياك واحد ما نصير اثنين
عنك ابتعد يبعدني بس الموت
يونس هم نجه من جان وسط الحوت
لو خلْصت حياتي قّبّل التابوت
ننجه ابوستك نرجع الك عدلين
انه وياك واحد ما نصير اثنين
اطلب ياحبيبي لاتضل محتار
بس كلي و تمنه والتريد صار
اقدملك حياتي فدوه بس اختار
انطيك الكلب والروح وي العين
انه وياك واحد ما نصير اثنين
الإثنين أغسطس 25, 2008 11:23 am
