امي حار الشعر بيه شما كتب
وامي حبه ابحكم قراني وجب
جفه ينطي مراد ويداوي العليل
التراب ابيده يصبح ذهب
حره ماذلت ولاوطت الراس
تفخر اباجداد من اشرف نسب
بيته مكصد ومنشد للجميع
وفتحت البيبان للوادم تطب
امي منه تعلم الطائي الكرم
صدك لوكالوا عليه بت عرب
يوم اذكر مااجانه بيه ضيف
عزمت الجيران وابناء الشعب
ومره شط العرب شارف علجفاف
مدته ابشريانه وصارت تصب
امي تاريخ وحضارة وانبياء
فوك منبره علي حيدر خطب
---------------------------
ياحسافة تراب بيتج دنسوا
ومن على راسج عباتج تنهب
ذبحوا ابحضنج زلم ماينسون
ونصبوا اعلانات زيف ابكل درب
هددوج ابسيف رعديد وجبان
بالضهر نيشانة جارح لوضرب
وخطفوا حديثه ابعمر ورد الربيع
من نخت شيخ العشيره بس شجب
كطعوا العقد التلبسة وطشرو
حظنتة خافت يضيع وينسلب
صاحت من النار هبت يالعمام
جانت اتضنهم يطفون اللهب
اجوا بحبال الشماتة محزمين
حطوا اعلى النار انواع الحطب
بعد شتنطرين ياام كلب الجبير
لا اخو ينفع ولاجار اليحب
الأحد أغسطس 24, 2008 1:58 pm
